TONGA NY FOTOANA !
Miseho eto ankehitriny izao anton- javatra izao mba tsy hisian'ny rà mandriaka eto amin' ny tany sy ny firenena dia ny Andriana no hankasitrahan' Andriamanitra hitondra ny tany sy ny fanjakana fa raha tsy izany tsy mivoatra sy mandroso ary tsy ho sambatra ny firenena iray.
NY ANDRAIKITRIN'NY MPANJAKA DIA MPITONDRA NY TENIN'ANDRIAMANITRA, MANDAMINA NY DISADISA, MIZARA NY VOKATRA, TOMPON'NY ANTSY BE FANAMPAHANA.
NY ATAO HOE FANJAKANA DIA FITONDRAM-PANJAKANA MISY MPANJAKA,
NY MPANJAKA DIA TSY FIDIN'OLONA FA FIDIN'ANDRIAMANITRA ARY OLONA VITA FATI-DRA AMIN'AZY ARY TSY MAINTSY MAHAVITA NY IRAKA AMPANAOVINA AZY, ARY NY MPANJAKA DIA NATAO HANOMPO VAHOAKA FA TSY TOMPOIN'NY VAHOAKA.
ARY ANDRIAMANITRA NO TOMPOM-PAHEFANA FA NY MPANJAKA NO MANAM-PAHEFANA, ARY NY MPANJAKA SY NY AMBANILANITRA NO LEFONA SY AMPINGA ENTIN'ANDRIAMANITRA MIADY HAMPANJAKANA NY FAHAMARINANA.
NY ZOKIOLONA KOSA NO FEHILOHA. TSY MIDIKA AKORY IZANY HOE AVAHAM- PITIA NY HOVA SY NY ZAZA MANGA FA NY ZAVA DREHETRA MANAN-TANDRIFY, ARY NY LOHA NO MITONDRA NY VATANA SY NY TANANA ARY NY TONGOTRA.
KOA ELA VELONA NY MPANJAKA NDRIANA RABARIOELINA, LEHIBEN' NY FIANAKAVIAMBEN NY MPANJAKA ETO MADAGASIKARA,
MAHALEOVA MAHALASANA, HAHAZAKA ADIDY SY ANDRAIKITRA ARY HOMBANAO ANIE ILAY MPAHARY ARAKA ITY TSO-DRANO NOMEN' IREO ANDRIANA ZOKIOLONA NY MERINA ENIN-TOKO SY IRETO ANDRIAMBE REHETRA IRETO ARY NY AMPANJAKA ANTEMORO !
Antananarivo vohitra masina,
Sabotsy, 24 Jona 2023.
Hoy Lambo Lahy:
RépondreSupprimerNY SETROKA TSY MIDONAM-POANA FA AO AFO. NY RANO TSY MIRIANA RAHA TSY AO NY VATO.
HARENA SY FAHASOVANA NY MPANJAKA. KOA ANDRIAMANITRA ANIE HIARO ANAO RY MPANJAKA NDRIANA RABARIOELINA sy HANETRY IZAY MISEHO HO FAHAVALONAO.
KOA AMIN' NY MAHA MPANJAKA ANAO DIA ENGA ANIE HO FAKAN-TAHAKA HO AN'NY MALAGASY REHETRA NA AMIN'NY FITIAVANA NA AMIN' NY FITONDRATENA NA AMIN'NY FINOANA SY FAHAMARINANA.
KOA ENGA ANIE NY OLON-DREHETRA HIFANAMPY SY HIFANASOA ARY HIFAMPITSIMBINA SATRIA TARANAKA IRAY IHANY NY MALAGASY ARY EFA SAMY MIPETRAKA AMIN'NY TANDRIFINY AVY SY MANAO NY ASA FIHARIANY ARAKA NY TSO-DRANO AZON'NY AVY AMIN'ANDRIAMANITRA.
KOA ENGA ANIE HOHASOAVIN' ILAY MPAHARY ITY NOSY ITY SY NY VAHOAKA AO AMINY SATRIA ITY NOSY ITY SY NY VAHOAKA AO AMINY DIA MASINA.
KOA INDREO IANAREO RAY AMANDRENY FFKM, NY HERIVELONA REHETRA, NY VOVONAN'NY ZOKIOLONA SY NY VONDRONA MARO SNS... :
MIJOROA SY MITENENA RAHA MISY NY TSY ARA-DRARINY SY TSY ARAKA NY HITSINY ATAON IREO TSY MATY MANOTA SY MPANAO HITSA-BOZONA SATRIA HOY NY NTAOLO MALAGASY RAZAMBENTSIKA MANAO HOE :
MATOA NY AKOHO NO MATY DIA ERAN' NY MPIVADY, MATOA NY OMBY MATY DIA ERAN'NY FIANAKAVIANA,
ARY MATOA NY MPANJAKA MANJAKA DIA ARAKA NY FIKASAN' ILAY MPAHARY.
KOA HO ELA VELONA NY MPANJAKA NDRIANA RABARIOELINA!
ARY VONINAHITRA HO AN'ILAY MPAHARY NY LANITRA SY TANY...!
Hoy Lambo Lahy.